የ TDF/TPLF ጦርነት ትግራይን ገንጥሎ ሪፐብልክ ለመመስረት አልነበረምን? ከታጋዮች አንደበት

የትግራይ መሪዎች ሕዝባቸውን በጦርነት ለመማገድ ለ49 አመት ያስደምጡ የነበረው መፈክር፤ ከመለስ እስከ ደብረጽዮን እንዲሁም እስከ ጌታቸው ረዳ እና ከሚከተሏቸው የዲያስፖራ “ምሁራን” ድረስ ያስተጋቡት የነበረው የጩኸት በጥቅሉ “..የምንከተለው ጦርነት ‘Just War’ (ፍትሓዊ ጦርነት) ነው” የሚል ነበር።

ወያኔ ከሚታወቀበት ጸረ ኢትዮጵያዊ ሥልጣኑ ሲወገድ፤ እንደ ፋሺስትነቱ ባሕሪ በሱሪ እንጂ በውይይት ስለማያምን አገር ለመገንጠል ‘ኢፍትሓዊ ጦርነት’ ከፍቶ ‘በአገር ላይ ውድመትና የሰው ዕልቂት’ ማስከተሉን እንኳን እኛ፤ በጦርነቱ የተካፈሉት  የግንጣላ ታጋይ አባሎቹ በከፍተኛ ቁጭትና ልቅሶ ተደጋጋሚ ሠላማዊ ሰልፍ በማድረግ በመሪዎቻቸው ላይ ንዴትና ዘለፋ እያስተጋቡ እንደሆነ ከወደ መቀሌ የሚሰራጩት የስዕለ ድምፅ መቅረጾች አሳይተውናል።  

ታዲያ በዚህ አሳዛኝ የ TDF/TPLF ዕብሪት የተነሳ ልጁ በከንቱ መስዋዕት እንዳደረገበት እምባ እየተናነቀው በቁጭት የተናገረውና በቃለ መጠይቁ ላይ ያስደመጠን “ታጋይና ተዋናይ ብርሃነ ጫሕማ” የተባለ የህወሃት ታጋይ የጦርነቱ ዋና ዓላማ ምን እንደነበር ከአንደበቱ ያሰማናል። ከረጂም የትግርኛ ቃለ መጠይቁ ከፊል ይዘት እንደሚከተለው በአማርኛ ተተርጉሟል

የአማርኛ – ትርጉም፤-

<< (በዚህኛው ጦርነት) በትግራይ በረሃ ውስጥ እያለን ወጣቶችና ትላላቅ አዛውንቶች ተሰብስበን ለትላልቅ የህወሓት መሪዎች የሚከተለው ጥያቄ አቅርበንላቸው ነበር፡ ይኸውም << ልክ እንደ የ 17 አመቱ ትግል ከኢትዮጵያ ጋር እንቀጥላለን ልትሉን ነው? ወይንስ “ታላቋን ትግራይ ለመመስረት ነው ዋናው የጦርነቱ ዓላማ? እንዳለፈው ሁሉ ቁማር እንዳትጫወቱብን! ብለን ደጋግመን ጥያቄ አቀረብንላቸው። የጦርነቱ ዓላማ ምን እንደሆነ  አሁኑኑ እንዲያሳውቁን ብለን ደጋግመን ጠየቅናቸው። “ከእንግዲህ አይደገምም፣ በፍጹም አይታሰብም፣ ከኢትዮጵያውያን ጋር አንቀጥልም፣ መቼም አንሆንም፣ አንደግመውም ብለው ነገሩን። እኛም እንደዚህ ከሆነ መስዋዕት እንከፍላለን ብሎ ኣእላፍ ወጣት ረገፈ።  መስዋዕት ከፈልን (ትግራይን እንደ ሃገር) ነፃ ካወጣን በኋላ ግን ፍትሕ እንድታሰፍኑ፤አካለስንኩላን ተገቢ እንክብካቤ እንዲሰጣቸው ነው የምንጠብቀው ብሎ ወጣቱ በፈቀዱ ወድዶ በገፍ ተሰዋ።…>>

<<……መአት ምሁር፤ ስንት መሃንዲስ ጠፋ። ይህ ሁሉ የመጣው በመሪዎቻችን ምክንያት ነው። ሰውዬው (አብይ አሕመድ ማለቱ ነው) ሁሉንም ነገር ከማድረግ በፊት,  ወንጀለኞች ናችሁ፤ ወንጀል ፈጽማችሗል፤ተጠያቂዎች ናችሁ የሕግ ትፈላጊዎች ናችሁ ሲላቸው  (በትዕቢት) “ቅልጥማችን ማን ይይዘዋል፤ በቅልጥማችን!! በቅልጥማችን!! ’’ እያሉ ህዝቡን ቀስቅሰው ፤ የትግራይን ሕዝብ አንክድም ብለው ቃል ስለገቡ ሕዝቡም ያንን በመስማት እንደ ቅጠል ረገፈ። ይህ ሁሉ ወጣት ከረገፈ በኋላ ግን መሪዎቻችን እንደ ቃላቸው ሊገኙ አልቻሉም…….።

…….እኔን የሚያሳዝነኝ የልጄን የሮዳስ ሰማዕትነት እና በሺዎች የሚቆጠሩ ታጋዮች መበታተን አላሳዝነኝም ፤ ትግሉ መጨናገፉን አሳዝኖኛል። አካላታቸው የጎደሉ የ12 አመት ታዲጊ ወጣት አናብስትና አንበሶች ከመሰንከላቸው በፊት በጦርነቱ ወቅት ፓትሮል መኪና ከጠላት ማርከው ያስረብዋቸውን ዛሬ አካላታቸው ደክሞ በርሃብና በጥይት ሰንክለው መንገድ ላይ ሲጓዙ ደክመው እባካችሁ “አሳፍሩን” ሲልዋቸው “ሰምተው እንዳልሰሙ’ ዘግተዋቸው “አናሳፍርም” ብለው ንቀዋቸው ሲሄዱ ማየት ያሳዝናል።….>>

<<……አሁን የሚያሳዝነኝ ዋናው ነገር ሕዝብን መክዳታቸው ነው። አሸንፈን ሰሜን ሸዋ ድረስ ደረስን፤ እነዚያ ‘እኛን ያጠፉን  የአማራ ሊሂቃን’ መሸሽ ጀመረው ነበር። እዛ እንደደረስን ኢትዮጵያን ለማስተዳደር ነው ወይ ዋናው ግስጋሴአችሁ ተብለው ሲጠየቁ “አናስተዳድራትም” ብለው ወደ ኋሊት ተመለሱና ትግሉ ተኮላሸ።  ከዚያም  የትግራይ ሕዝብ በረሃብ እያለቀ በጥቁር ገበያ  የእርዳታ እህል መሸጥ ጀመሩ።……>>

<<………ይህ ሁሉ ሰበብ እነሱም ሆኑ ልጆቻቸው ሥልጣናቸው እና ሃብታቸው እንዳይነካባቸው ከዚህ ሁሉ መዘዝ ርቀው ነበር የሚኖሩት። ስለዚህ ትግላችን ከሽፏል።  < የትግራይ መሪዎች ለራሳቸው ጥቅም ሲሉ የትግራይን ወጣት እንደ ቅጠል እንዲረግፍ አደረጉ።በሴራ አጠፉት። ትግላችን ይቀጥላል::>>

 በማለት የደረሰው ጥፋት ለመድግም አሁንም  ትግሉ ይቀጥላል። >> ይላል  (የወያኔ ትግራይ ታጋይና የመድረክ ተዋናይ ‘ታጋይ ብርሃነ ጫሕማ’ ሰሞኑን ካደረገው የትግርኛ ቃለ ምልልስ የተቀነጨበ- ትርጉም (ኢቲዮ ሰማይ)

የሚገርመው ልጁን ወደ እሳት ጨምሮ የወያኔ መሪዎችን ህይወት ለመጠበቅ ሲባል፤ ወዶ በስጦታ ወጣት ልጁን ያውም ኢንጂኔር ማዕርግ ያለው ልጁን ለመስዋዕትነት የሰጠ ፤ ጸረ ኢትዮጵያ የሆነው የመድረክ ተዋናይ “ብርሃነ ጫሕማይ” የጦርነቱ  ዓለማ ትግራይ ሪፑብሊክን ለመመሥረት እንደነበር ነግሮናል።

ሕዝቡ የተካፈለበት ጦርነቱ እንዴት እንደነበር ከታፈኑት የሰሜን ዕዝ መካካል << የተከዳው የሰሜን ዕዝ- የታፈነው ወጥቶ አደር ማስታወሻ>> በሚል የዓይን መስክርነትን ያካተተ ታሪካዊ መጽሐፍ ጋሻዬ ጤናው (ቻቻው) ስለ ሰሜን ዕዝ ጥቃት ሲገልፅ ይህ የህወሃት/ጁንታ ኃይ የሠራዊቱን የግንኙነት መረቦች ቆራርጦና መንገድ ዘግቶ ካምፑን የከበበ። ሠራዊቱ ከአቅም በላይ ተዋግቷል (ሁሉም አንድ ባይሆንም ዘጠኝ ቀን ሙሉ ርሀብና ውኃ ጥሙ ሳያሸንፈው የተዋጋ አለ። አምስት ቀን ሌሊትም ቀንም ከምሽጉ ሳይወጣ ጥይቱ እስከሚያልቅ የተዋጋ አለ። ሰባት ቀን ሙሉ ያለምንም ዳቦና ውኃ የተዋጋ አለ። አምስት ቀን ሌሊትም ቀንም ከምሽጉ ሳይወጣ ጥይት እስከሚያልቅ የተዋጋ አለ። ለሦስት ቀን በእልህና ወኔ ከጁንታው ኃይል የተፋለመ አለ። ማንም የሚደርስለት አልነበረም።
ታዲያ እንዴት ይሄ ሠራዊት ትጥቅ አይፈታም? እያለ ወያኔ መጀመሪያ በሰሜን ዕዝ ሠራዊት ላይ ጥቃት ሲፈጽም ደራሲው በግል ማስታወሻው በምስጢር እየመዘገበ ያየውን የተፈጸመው አገራዊና ሰብአዊ ወንጀል ባስጨናቂ ሁኔታ በነበረበት ወቅት ብርታትን የተሞላበት የእልህ ግብግብ ወቅት ያየውን ነው ፅፎ ያቀረበልን።

በመጨረሻም ጦርነቱ ዓላም ሀገር ለመገንጠል የታቀደ እንደነበር “ከፈረሱ አፍ” ከታጋዮቹ  አንደበት ተደምጧል።

Share:

Share on facebook
Share on twitter
Share on linkedin
Share on pinterest

Leave a Comment

Your email address will not be published. Required fields are marked *

On Key

Related Posts

VK Russian online social media and social networking service

© 2022 Esleman Abay. All rights reserved.

Follow Us

Categories